കൊച്ചി : അഭിമന്യു വധക്കേസിലെ നഷ്ടപ്പെട്ട രേഖകളുടെ പകർപ്പ് പ്രോസിക്യൂഷൻ വിചാരണക്കോടതിയിൽ സമർപ്പിച്ചു. പ്രതിഭാഗത്തിന്റെ എതിർപ്പ് കോടതി അനുവദിച്ചില്ല. പുതിയ പകർപ്പുകളിൽ നേരത്തെ ലഭിച്ച രേഖകളിൽനിന്ന് എന്തെങ്കിലും വ്യത്യാസമുണ്ടെങ്കിൽ അക്കാര്യം ഉന്നയിക്കാമെന്നും കോടതി അറിയിച്ചു .കേസ് ഈ മാസം 25ന് വീണ്ടും പരിഗണിക്കും.
മഹാരാജാസ് കോളജ് വിദ്യാർഥി എ.അഭിമന്യു 2018 ജൂൺ ഒന്നിനാണ് ക്യാംപസില് വച്ച് കൊല്ലപ്പെട്ടത്.ക്യാംപസ് ഫ്രണ്ട്–പോപ്പുലർ ഫ്രണ്ട് പ്രവർത്തകരാണ് കൃത്യത്തിന് പിന്നില്.കേസിലെ വിചാരണ തുടങ്ങാനിരിക്കെയായിരുന്നു പ്രധാന രേഖകൾ കോടതിയിൽ നിന്ന് നഷ്ടപ്പെട്ടത്
