പരുമല: ജീവിതം പരിപൂർണ്ണമാക്കുവാൻ വാർദ്ധക്യകാലം അറിവിലും പരിജ്ഞാനത്തിലും വിനിയോഗിക്കണമെന്നു ഡോ. യുഹാനോൻ മാർ ക്രിസോസ്റ്റമോസ് പറഞ്ഞു. പരുമല പെരുന്നാളിനോടനുബന്ധിച്ച് നടന്ന സെന്റ് ജോസഫ് ഓർത്തഡോക്സ് ഫെലോഷിപ്പ് (SJOF) വാർഷിക നേതൃസംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വാർദ്ധക്യം ഗൗരവത്തിൽ നിന്നും നർമത്തിലേക്ക് ചുവടുവയ്ക്കേണ്ട കാലമാണെന്ന് ഡോ. സിറിയക് തോമസ് മുഖ്യപ്രഭാഷണം നിർവഹിച്ചു പറഞ്ഞു. സമാധാനത്തോടെ ഇരിക്കുന്നതും സമാധാനം പരത്തുന്നതും വാർദ്ധക്യ കാലത്തെ മാനസിക ആരോഗ്യത്തെ ഏറെ മെച്ചപ്പെടുത്തുമെന്നു കോട്ടയം മെഡിക്കൽ കോളേജ് പ്രിൻസിപ്പൽ ഡോ. വർഗീസ് പുന്നൂസ് പറഞ്ഞു. തളരാതെ മനസും തകരാത്ത കരുത്തും എന്ന ക്‌ളാസ്സിലൂടെ അദ്ദേഹം വ്യക്തമാക്കിയത്.
വൈദിക ട്രസ്റ്റീ ഫാ. ഡോ. തോമസ് വർഗീസ് അമയിൽ,അത്മായ ട്രസ്റ്റീ റോണി വർഗീസ് എബ്രഹാം, മലങ്കര അസോസിയേഷൻ സെക്രട്ടറി അഡ്വ. ബിജു ഉമ്മൻ, ഫാ.കോശി തോമസ്, ഫാ.സി.എ.ഐസക്, ഡോ.മാത്യു പി ജോസഫ് എന്നിവർ പ്രസംഗിച്ചു.
