തിരുവല്ല: അഴിയിടത്തുചിറ ഗവ. ഹൈസ്കൂൾ സോഷ്യൽ സർവീസ് സ്കീമിന്റെ നേതൃത്വത്തിൽ കായ്ഫല തൈകൾ നട്ടു. ജൂൺ 5 പരിസ്ഥിതി ദിനത്തോടനുബന്ധിച്ച് ആരംഭിച്ച സ്കൂളിൽ ഫല തൈകൾ നടൽ പ്രവർത്തനങ്ങളുടെ ഉദ്ഘാടനം അഴിയിടത്തുചിറ ഫെഡറൽ ബാങ്ക് മാനേജർ റിക്കുമോൻ നിർവഹിച്ചു.
സ്കൂൾ സീനിയർ അസിസ്റ്റന്റ് ദീപാ കെ പിള്ള അധ്യക്ഷത വഹിച്ചു. പ്രോഗ്രാം സ്കൂൾ സോഷ്യൽ സർവീസ് സ്കീം കൺവീനർ നിയാസ്. എൻ, ദീപക് ജോൺസ്, അജേഷ് ജെ. സി കുമാർ, അശ്വതി പി എ എന്നിവർ നേതൃത്വം നൽകി.
