ഒന്നര മാസം മുമ്പ് നഷ്ടപ്പെട്ട മോതിരം തിരികെ കിട്ടി

തിരുവല്ല:  കുറ്റൂർ തെങ്ങേലിയിൽ ഒന്നര മാസം മുമ്പ് നഷ്ടപ്പെട്ട  മോതിരം എലിക്കൂടിനുള്ളിൽ നിന്നും തിരികെ കിട്ടി. തെങ്ങേലി  ദീപ്‌തി വീട്ടിൽ പ്രിയ സുരേഷ്കുമാറിൻ്റെ  മുക്കാൽ പവൻ്റെ മോതിരമാണ്  ഒന്നര മാസം മുമ്പ് മേശ പുറത്ത് നിന്നു കാണാതെ പോയത്. പീന്നീട്  ഇത് ആരോടു പറയാതെ  ഇതിൻ്റെ അന്വേഷണത്തിലായിരുന്നു പ്രിയ സുരേഷ്.  
          
കാലവർഷക്കെടുതിയിൽ വീട്ടിൽ വെള്ളം കയറിയപ്പോൾ   അത്യാവശ്യ സാധനങ്ങൾ  എടുത്ത് കുറ്റൂരെ മറ്റൊരു വീട്ടിലോട്ട് പോകാൻ  ഷോൾഡർ  ബാഗ്  അലമാരിയുടെ മുകളിൽ നിന്ന് എടുത്തപ്പോൾ അതിനുള്ളിൽ വട്ടതൊപ്പി യ്ക്കുള്ളിൽ    എലി കൂടിനുള്ളിൽ നിന്നും മോതിരം തിരികെ  കിട്ടി. കാലവർഷക്കെടുതിയിൽ ദോഷവും നല്ലതുമുണ്ടായെന്നു പ്രിയ സുരേഷ്  പറഞ്ഞു.