താഷ്‌കന്റ്‌ : ദീർഘകാല യുറേനിയം വിതരണ കരാറിൽ ഒപ്പുവെച്ച് ഇന്ത്യയും ഉസ്‌ബെക്കിസ്താനും .പ്രധാനമന്ത്രി നരേന്ദ്ര മോദിയും ഉസ്‌ബെക്കിസ്താൻ പ്രസിഡന്റ് ഷാവ്കത്ത് മിർസിയോയേവും തമ്മിൽ താഷ്കന്റിൽ നടത്തിയ കൂടിക്കാഴ്ചയിലാണ് കരാറിൽ ധാരണയായത് .വിദേശകാര്യ മന്ത്രിമാരുടെ തലത്തിൽ കോഓർഡിനേഷൻ കൗൺസിൽ രൂപീകരിക്കാനും ഇരുരാജ്യങ്ങളും തമ്മിൽ ധാരണയായി.
പ്രധാനമന്ത്രി നരേന്ദ്ര മോദിക്ക് ഉസ്ബെക്കിസ്ഥാന്റെ പരമോന്നത ബഹുമതിയായ ‘ഓർഡർ ഓഫ് ഒലിയ് ദരാജലി ദോസ്ത്ലിക്’ താഷ്കന്റിൽ നടന്ന ചടങ്ങിൽ ഉസ്ബെക്കിസ്ഥാൻ പ്രസിഡന്റ് ഷാവ്കത്ത് മിർസിയോയേവ് സമ്മാനിച്ചു. മോദിക്ക് ലഭിക്കുന്ന 36-ാമത് അന്താരാഷ്‌ട്ര ബഹുമതിയാണിത്.
