ആലപ്പുഴ: ആധുനിക മലയാള നാടകവേദിയ്ക്ക് ദിശാബോധം നൽകിയ കെപിഎസി ജൂൺ 10 മുതൽ 14 വരെയുള്ള ദിവസങ്ങളിൽ സംസ്ഥാന നാടക ക്യാമ്പ് കായംകുളം കെ.പി.എ.സി അങ്കണത്തിൽ സംഘടിപ്പിക്കുന്നു. ഇന്ത്യയിലെ തന്നെ ഏറ്റവും പ്രഗത്ഭരായ നാടക പ്രതിഭകൾ ക്ലാസ്സുകൾ നയിക്കുന്ന ക്യാമ്പിൽ 15 നും 25 നും ഇടയിൽ പ്രായമുള്ള 30 യുവതീ യുവാക്കൾക്കാണ് പ്രവേശനം ലഭിക്കുക.
തെരഞ്ഞെടുക്കപ്പെട്ടാൽ 1000 രൂപ പ്രവേശന ഫീസ് നൽകണം. വിശദമായ ബയോഡേറ്റയും ഏറ്റവും പുതിയ ഫോട്ടോയും നാടകാഭിമുഖ്യം തെളിയിക്കുന്ന രേഖകളുണ്ടെങ്കിൽ അതും സഹിതം സെക്രട്ടറി, കെ.പി.എ.സി, കായംകുളം, ആലപ്പുഴ ജില്ല എന്ന വിലാസത്തിലോ kpackerala@gmail.com എന്ന ഇ.മെയിൽ ഐ.ഡി യിലോ മെയ് 15 നു മുൻപ് അപേക്ഷിക്കുക . സംശയങ്ങൾക്ക് ബന്ധപ്പെടേണ്ട ഫോൺ നമ്പറുകൾ 0479-2445078
