പാരാലിമ്പിക്സ് : വനിതാ ഷൂട്ടിങ്ങിൽ ഇന്ത്യയ്ക്ക് സ്വർണവും വെങ്കലവും

പാരീസ് : പാരാലിമ്പിക്സിൽ വനിതാ വിഭാഗം ഷൂട്ടിങ്ങിൽ അവനി ലെഖാരെ സ്വർണവും മോന അഗർവാൾ വെങ്കലവും നേടി.വനിതകളുടെ 10 മീറ്റർ എയർ റൈഫിൾ SH1 ഇവന്റിലായിരുന്നു ഇന്ത്യയുടെ മെഡൽ നേട്ടം.ടോക്കിയോ പാരാലിംപിക്സിലും ഇതേയിനത്തിൽ അവനി സ്വർണം നേടിയിരുന്നു.ടോക്കിയോ പാരാലിമ്പിക്‌സ് റെക്കോർഡായ 249.6 നെ മറികടന്ന 249.7 എന്ന സ്‌കോറോടെയാണ് അവനിയുടെ സുവർണ നേട്ടം. കൊറിയൻ താരത്തിനാണ് വെള്ളി.