കോഴിക്കോട് : കോഴിക്കോട് ഈങ്ങാപ്പുഴ ഷിബില കൊലപാതകത്തിൽ ആക്രമണസമയത്ത് പ്രതി യാസിർ ലഹരി ഉപയോഗിച്ചിട്ടില്ലെന്ന് വൈദ്യപരിശോധനയില്‍ സ്ഥിരീകരണം. സ്വബോധത്തോടെയാണ് പ്രതി കുറ്റത്യം നടത്തിയതെന്നാണ് പോലീസ് പറയുന്നത്.യാസറിന്റെ നിരന്തരമായ ലഹരി ഉപയോഗവും പീഡനവും മൂലം സഹികെട്ടാണ് ഷിബില ഒരു മാസം മുന്‍പ് ഈങ്ങാപ്പുഴ കക്കാട്ടെ സ്വന്തംവീട്ടിലേക്ക് മടങ്ങിയെത്തിയത്.
ഇന്നലെ രാത്രി 7.10ന് ഷിബിലയുടെ വീട്ടിലെത്തിയ പ്രതി കൈയില്‍ക്കരുതിയിരുന്ന കത്തി ഉപയോഗിച്ചാണ് ഭാര്യയെ കുത്തിയത് . ഇതു തടയാൻ ശ്രമിച്ചപ്പോൾ ഷിബിലയുടെ പിതാവ് അബ്ദുറഹ്മാൻ, മാതാവ് ഹസീന എന്നിവർക്കും കുത്തേറ്റു. ഇതിൽ അബ്ദുറഹ്മാന്റെ പരിക്ക് ഗുരുതരമാണ്‌ .
