കോട്ടയം: ദേശീയ ഗുണമേന്മാ കൗൺസിലും (ക്യുസി ഐ), ദേശീയ ആരോഗ്യ ഗുണമേന്മാ സമിതിയും (എൻ എ ബി എച്ച് ) സംയുക്തമായി കേരളത്തിൽ ആയുർവേദ ഹോസ്പിറ്റൽ മാനേജ്മെൻ്റ്സ് അസ്സോസിയേഷനുമായി (എ എച്ച് എം എ ) സഹകരിച്ച്, സ്വകാര്യ ആയുർവേദ സ്ഥാപനങ്ങളുടെ പ്രതിനിധികൾക്കായി നടത്തുന്ന “ഗുണവത്താ യാത്ര ” പരിശീലന പരിപാടിയുടെ ഉദ്ഘാടനം എ എച്ച് എം എ സംസ്ഥാന ഉപാദ്ധ്യക്ഷൻ ഡോ ബി ജി ഗോകുലൻ നിർവ്വഹിച്ചു.
കോട്ടയം ക്ലബിൽ നടന്ന പരിപാടിയിൽ ക്യു സി ഐ ദക്ഷിണേന്ത്യാ ചുമതല വഹിക്കുന്ന വേണുഗോപാൽ, എൻ എ ബി എച്ച് കേരള സംയോജകൻ ഡോ. റെജികുമാർ, എ എച്ച് എം എ കോട്ടയം ജില്ലാദ്ധ്യക്ഷൻ ഡോ. ജോജി സെബാസ്റ്റ്യൻ, സെക്രട്ടറി ഡോ. ബിനു സി നായർ, എഎച്ച് എം എ പത്തനംതിട്ട ജില്ലാദ്ധ്യക്ഷൻ ഡോ. പി സജീഷ് കുമാർ, ഡോ സതീഷ് ബാബു, ഡോ. കിരൺ ബാബു എന്നിവർ പ്രസംഗിച്ചു.
കോട്ടയം ഇടുക്കി പത്തനംതിട്ട ആലപ്പുഴ എറണാകുളം ജില്ലകളിൽ നിന്നും വിവിധ ആയുർവേദ ആശുപത്രികളിൽ നിന്ന് 50 ലധികം പ്രതിനിധികളും പങ്കെടുത്തു.
, ദേശീയ ആരോഗ്യ ഗുണമേന്മാ സമിതിയും (എൻ എ ബി എച്ച് ) സംയുക്തമായി കേരള){kind=link}