തിരുവല്ല : മാർത്തോമാ സഭാധ്യക്ഷൻ ഡോ തിയഡോഷ്യസ് മാർത്തോമാ മെത്രാപ്പോലീത്തായ്ക്ക് ജൻമദിന ആശംസകൾ നേർന്ന് മലങ്കരസഭ. സഭാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായ്ക്ക് വേണ്ടി മലങ്കര അസോസിയേഷൻ സെക്രട്ടറി അഡ്വ.ബിജു ഉമ്മൻ തിരുവല്ലയിലെ പുലാത്തിൻ അരമനയിലെത്തി സ്നേഹോപഹാരം കൈമാറി. സഭാ മാനേജിംഗ് കമ്മിറ്റി അംഗം ജോജി പി തോമസും ഒപ്പമുണ്ടായിരുന്നു.
ഫെബ്രുവരി 12ന് ഓതറ ആശാഭവനിൽ പരിശുദ്ധ കാതോലിക്കാ ബാവായുടെ ജൻമദിന ആഘോഷത്തിൽ ഇരുസഭാധ്യക്ഷൻമാരും ചേർന്ന് കേക്ക് മുറിച്ചിരുന്നു. മാർത്തോമാ മെത്രാപ്പോലീത്തായ്ക്ക് ആശംസകൾ നേർന്ന പരിശുദ്ധ കാതോലിക്കാ ബാവാ ഇരുവരും തമ്മിലുള്ള ചില അപൂർവതകളും പങ്കുവെച്ചു.
ഒരേ കാലയളവിലാണ് ഇരുവരും സഭാനേതൃപദവിയിലേക്ക് എത്തിയത്. മാത്രമല്ല ഒരേ വർഷം ഒരേ മാസം ജനിച്ചവരും ജൻമദിനത്തിന്റെ കാര്യത്തിൽ മാത്രം ഒരാഴ്ച്ചയുടെ വ്യത്യാസമുള്ളവരാണ് തങ്ങളെന്നും ആശംസാ സന്ദേശത്തിൽ പരിശുദ്ധ കാതോലിക്കാ ബാവാ പറഞ്ഞു.
