മലപ്പുറം : ഒന്‍പതുപേരുടെ മരണത്തിന് ഇടയാക്കിയ വാല്‍പ്പാറ അപകടത്തിന് കാരണം ഡ്രൈവറുടെ പരിചയക്കുറവെന്ന് പൊള്ളാച്ചി ആര്‍ടിഒയുടെ റിപ്പോർട്ട്. കുത്തനെയുള്ള ഇറക്കത്തില്‍ അമിതമായി ബ്രേക്ക് ഉപയോഗിച്ചതും വാഹനത്തിന്റെ നിയന്ത്രണം നഷ്ടപ്പെടാന്‍ കാരണമായി.മോശം കാലാവസ്ഥയോ കാഴ്ച്ചക്കുറവോ ഉണ്ടായിരുന്നില്ലെന്നും റിപ്പോർട്ടിൽ പറയുന്നു .
മലപ്പുറം പാങ്ങ് പള്ളിപ്പറമ്പ് ഗവ. എല്‍പി സ്‌കൂളിലെ അധ്യാപകരും കുടുംബാംഗങ്ങളും സഞ്ചരിച്ച വാനാണ് 300 അടി താഴ്ചയിലേക്ക് മറിഞ്ഞത്. അപകടത്തിൽ 7 സ്ത്രീകളും ഒരു കുട്ടിയും ഉൾപ്പെടെ 9 പേർ മരിച്ചു . പരുക്കേറ്റ 4 പേരിൽ 3 പേരുടെ നില ഗുരുതരമാണ്.
