കോട്ടയം: നിയന്ത്രണം വിട്ട കാർ പാടത്തേക്ക് മറിഞ്ഞു യുവതി അത്ഭുതകരമായി രക്ഷപെട്ടു. കോട്ടയത്ത് വടവാതൂർ ബണ്ട് റോഡിൽ ഇന്ന് ഉച്ചകഴിഞ്ഞ് 3.30 ഓടെയാണ് അപകടമുണ്ടായത്. മോസ്‌കോ ബണ്ട് റോഡിൽ വടവാതൂർ സ്വദേശിനി റിനി ജോർജ് ഓടിച്ച കാറാണ് നിയന്ത്രണം വിട്ട് 25അടി താഴ്ചയിലേക്ക് മറിഞ്ഞത്.
തലകീഴായിട്ടാണ് കാർ പാടത്തേക്ക് പതിച്ചത്. സംഭവം കണ്ട് സമീപത്ത് റോഡ് നിർമ്മാണ പ്രവർത്തനത്തിൽ ഏർപ്പെട്ടിരുന്ന അതിഥി തൊഴിലാളികൾ ഓടിയെത്തി നടത്തിയ രക്ഷാപ്രവർത്തനത്തിലൂടെ റിനിയെ പുറത്തെത്തിക്കുകയായിരുന്നു. ഇവർക്ക് നിസാര പരിക്കേറ്റിട്ടുണ്ട്. മഴയുണ്ടായിരുന്നെങ്കിലും പാടത്ത് വെള്ളക്കെട്ട് കുറവായതിനാൽ അപകടത്തിൻ്റെ വ്യാപ്തി കുറഞ്ഞു. യുവതിക്ക് പ്രാഥമിക ചികിത്സ നൽകി.
