മല്ലപ്പള്ളി : കുന്നന്താനത്ത് റബർ ഫാക്ടറിയിൽ വൻ തീപിടുത്തം. അഗ്നിശമനസേന എത്തി തീ നിയന്ത്രണ വിധേയമാക്കി. കുന്നന്താനം ഇൻഡസ്ട്രിയൽ നഗറിലെ ജി കെ റബേഴ്സ് എന്ന സ്ഥാപനത്തിലാണ് തീ പിടിച്ചത്. സ്ഥാപനത്തിലെ തെർമൽ ഫ്ലൂയിഡിലാണ് തീ പടർന്നത്.
ഇന്ന് പുലർച്ചെ ഒന്നരയോടെ ആയിരുന്നു സംഭവം. തിരുവല്ലയിൽ നിന്നും എത്തിയ രണ്ട് യൂണിറ്റ് അഗ്നി ശമന ജീവനക്കാർ ചേർന്ന് തീ അണയ്ക്കുകയായിരുന്നു. ജീവനക്കാരുടെ സമയോചിത ഇടപെടൽ മൂലം വലിയ അളവിൽ റബർ ഉൽപ്പന്നങ്ങൾ സൂക്ഷിച്ചിരുന്ന ഭാഗത്തേക്കു തീ പടരുന്നത് തടയാൻ സാധിച്ചു. തീ പടർന്ന ഭാഗത്തെ നഷ്ടം കണക്കാക്കിയിട്ടില്ല
