എറണാകുളം– കായംകുളം മെമുവില്‍ പുക ; ബ്രേക്ക് ജാമെന്ന് റെയിൽവേ

കായകുളം : എറണാകുളം– കായംകുളം മെമുവില്‍ പുക ഉയർന്നത് പരിഭ്രാന്തി പടർത്തി . കായംകുളത്ത് എത്താറായപ്പോഴാണ് ട്രെയിനിന്റെ അവസാന ബോഗിയിൽ നിന്ന് പുക ഉയരുന്നത് ശ്രദ്ധയിൽപ്പെട്ടത്. തുടർന്ന് നടക്കാവ് റെയിൽവേ ഗേറ്റിനടുത്തെത്തിയപ്പോൾ ട്രെയിൻ നിർത്തി യാത്രക്കാരെ പുറത്തിറക്കി.പ്രാഥമിക പരിശോധനയിൽ ബ്രേക്ക് ജാം ആയതാണ് പുക ഉയരാൻ കാരണമായതെന്ന് റെയിൽവേ അധികൃതർ അറിയിച്ചു.