ആറന്മുള : ആറന്മുള പാർത്ഥസാരഥി ക്ഷേത്രത്തിലെ തിരുവോണത്തോണി മുങ്ങി.തോണിക്ക് ദ്വാരം വീണതാണ് അപകടത്തിന് കാരണമായതെന്നാണ് പ്രാഥമിക വിവരം. തോണി സൂക്ഷിക്കുന്ന മണ്ഡപത്തിന്റെ മകുടം ഉൾപ്പെടെ ഇളകിപ്പോയിട്ടുണ്ട്. തോണിയുടെയും മണ്ഡപത്തിന്റെയും സംരക്ഷണത്തിൽ ദേവസ്വം ബോർഡിന്റെ ഭാഗത്തുനിന്നുണ്ടായ വീഴ്ചയാണ് അപകടത്തിന് കാരണമെന്ന് ആരോപണം ഉയരുന്നു .
തിരുവോണത്തോണിയിലാണ് തിരുവോണ ദിനത്തിൽ ക്ഷേത്രത്തിലെ സദ്യയ്ക്കുള്ള സാധനങ്ങൾ എത്തുന്നത് .2022ലാണ് നിലവിലെ പുതിയ തിരുവോണത്തോണി നിർമ്മിച്ചത്.തിരുവോണത്തിന് ദിവസങ്ങൾ മാത്രം ബാക്കിയുള്ളതിനാൽ തോണിക്ക് ഇത്തരത്തിൽ കേടുപാടുകൾ സംഭവിച്ചത് ഭക്തർക്കിടയിൽ വലിയ ആശങ്കഉണ്ടാക്കിയിട്ടുണ്ട്.
