കൊല്ലം : കൊല്ലത്തെ ഹോട്ടൽ മുറിയിൽ വനിതാ ഡോക്ടറെ മർദിക്കുകയും പോലീസിനെ ആക്രമിക്കുകയും ചെയ്ത യുവ ഡോക്ടർ അറസ്റ്റിൽ.കൊല്ലത്തെ സ്വകാര്യ ആശുപത്രിയിലെ ഡോക്ടറായ തിരുവനന്തപുരം പട്ടം അജാസ് മൻസിലിൽ അജാസ് ഖാനെയാണ് (29) കൊല്ലം വെസ്റ്റ് പൊലീസ് അറസ്റ്റ് ചെ്യതത്.
അജാസും സുഹൃത്തായ വനിതാ ഡോക്ടറും ഇന്നലെ രാത്രിയിൽ കൊല്ലത്തെ സ്വകാര്യ ഹോട്ടലിൽ മുറിയെടുത്തിരുന്നു.പിന്നാലെ ഇവർ തമ്മിൽ വാക്കേറ്റവും സംഘർഷവും ഉണ്ടായി.മുറിയിൽ നിന്നു സ്ത്രീയുടെ നിലവിളി കേട്ട ഹോട്ടൽ ജീവനക്കാർ വിവരം അറിയിച്ചതനുസരിച്ചു പോലീസ് എത്തി അജാസിനെ പിടികൂടാൻ ശ്രമിച്ചെങ്കിലും ഇയാൾ പൊലീസിനെ ആക്രമിക്കുകയായിരുന്നു. കൂടുതൽ പോലീസ് ഉദ്യോഗസ്ഥർ സ്ഥലത്തെത്തിയാണ് ഇയാളെ ബലപ്രയോഗത്തിലൂടെ കീഴ്‌പ്പെടുത്തിയത്‌.
ഹോട്ടൽ മുറിയിൽ പോലീസ് നടത്തിയപരിശോധനയിൽ 6 ഗ്രാം കഞ്ചാവും ഉപയോഗിക്കാൻ ഉപയോഗിക്കുന്ന പ്രത്യേക റോളിംഗ് പേപ്പറുകളും കണ്ടെടുത്തു. ലഹരിമരുന്ന് കൈവശം വച്ചതിന് രണ്ടു പേർക്കുമെതിരെ കേസെടുത്തു.
