കോട്ടയം : സ്കൂൾ വിദ്യാർത്ഥികളുമായി പോയ ഓട്ടോറിക്ഷയിൽ കാർ ഇടിച്ച് രണ്ട് സ്കൂൾ വിദ്യാർത്ഥികൾക്ക് പരിക്ക്. കുര്യനാട് പാവയ്ക്കൽ എൽ പി സ്കൂളിലെ 5 ക്ലാസ് വിദ്യാർത്ഥി അനുരുദ്ധ് (10), സഹോദരി യുകെജി വിദ്യാർദ്ധിനി അനുരുദ്ര എന്നിവർക്കാണ് പരിക്കേറ്റത്. ഇരുവരെയും ആശുപത്രിയിൽ പ്രവേശിപ്പിച്ചു.
കുര്യനാട് ഉഴവൂർ റോഡിൽ പാറക്കുടി ജംഗ്ഷന് സമീപം രാവിലെ ഒമ്പത് മണിയോടെ ആയിരുന്നു അപകടം. പിതാവ് ഓടിച്ചിരുന്ന ഓട്ടോറിക്ഷയിൽ കുട്ടികളെ സ്‌കൂളിലേക്ക് കൊണ്ടുപോകുന്നതിനിടെ നിയന്ത്രണം വിട്ട കാർ ഓട്ടോ ഇടിച്ച് മറിക്കുക ആയിരുന്നുവെന്ന് നാട്ടുകാർ പറഞ്ഞു.
