ആലപ്പുഴ: ബിലീവേഴ്സ് ചർച്ച് മെഡിക്കൽ കോളേജ് ആശുപത്രിയുടെ കീഴിലുള്ള 24 മണിക്കൂറും പ്രവർത്തിക്കുന്ന ബിലീവേഴ്സ് ഫാർമസിയുടെ പുതിയ ശാഖ ആലപ്പുഴ ജനറൽ ആശുപത്രി ജംഗ്ഷനിൽ പ്രവർത്തനം ആരംഭിച്ചു. ഭാരത് പെട്രോളിയത്തിന് എതിർവശത്തായി സജ്ജീകരിച്ചിരിക്കുന്ന പുതിയ ഫാർമസിയുടെ ഉദ്ഘാടനം ബിലീവേഴ്സ് ആശുപത്രി ഡയറക്ടറും സി.ഇ.ഒ യു മായ പ്രൊഫ. ഡോ. ജോർജ് ചാണ്ടി മറ്റീത്ര നിർവ്വഹിച്ചു.
ആലപ്പുഴയിലെ ജനങ്ങൾക്ക് ഏറ്റവും വിശ്വസനീയവും മികച്ചതുമായ ആരോഗ്യസേവനങ്ങളും മരുന്നുകളും എളുപ്പത്തിൽ ലഭ്യമാക്കുക എന്ന ലക്ഷ്യത്തോടെയാണ് ഈ പുതിയ സംരംഭം ആരംഭിച്ചിരിക്കുന്നതെന്ന് പ്രൊഫ. ഡോ. ജോർജ് ചാണ്ടി മറ്റീത്ര പറഞ്ഞു. ചടങ്ങിൽ അസോസിയേറ്റ് ഡയറക്ടർ സണ്ണി കുരുവിള, ചീഫ് അഡ്മിനിസ്ട്രേറ്റീവ് ഓഫീസർ റോസി മാർസെൽ, റവ. ഡീക്കൻ അഭിജിത്ത്, ഫാർമസി വിഭാഗം മേധാവി ബിജു തോമസ് എന്നിവർ പ്രസംഗിച്ചു
