കൊച്ചി : മുന്‍ ഫുട്ബോൾ താരവും പരിശീലകനുമായ ടി കെ ചാത്തുണ്ണി അന്തരിച്ചു.79 വയസ്സായിരുന്നു.അര്‍ബുദ ബാധിതനായിരുന്നു. ഇന്നലെ രോഗം വഷളായതിനെ തുടർന്ന് എറണാകുളത്തെ സ്വകാര്യ ആശുപത്രിയില്‍ എത്തിച്ചു. ഇന്ന് രാവിലെ മരണം സംഭവിച്ചു.
കളിക്കാരനായി ഒന്നര പതിറ്റാണ്ടോളം സജീവമായിരുന്ന അദ്ദേഹം സന്തോഷ് ട്രോഫിയില്‍ കേരളത്തിനും ഗോവയ്ക്കുമായി കളിച്ചിട്ടുണ്ട്.വിരമിച്ച ശേഷം പരിശീലകനായി .രാജ്യത്ത് ഏറ്റവും കൂടുതല്‍ ക്ലബുകളുടെ പരിശീലകസ്ഥാനം വഹിച്ചു .ഐ.എം. വിജയന്‍ മുതല്‍ ഗോവയുടെ ബ്രൂണോ കുട്ടീഞ്ഞോ വരെയുള്ള പ്രമുഖ ഫുട്ബോൾ താരങ്ങളുടെ പരിശീലകനായിരുന്നു.
