തിരുവനന്തപുരം : ശബരിമല യുവതീ പ്രവേശന വിഷയത്തില് ആചാര സംരക്ഷണം വേണമെന്ന് സർക്കാർ സുപ്രീംകോടതിയില് നിലപാടെടുക്കും. ഇന്നു ചേര്ന്ന സിപിഎം സംസ്ഥാന സെക്രട്ടേറിയറ്റില് ഇതു സംബന്ധിച്ച് ധാരണയായി. വൈകീട്ട് നടക്കുന്ന മന്ത്രിസഭാ യോഗത്തിൽ ഇതുസംബന്ധിച്ച് തീരുമാനം ഉണ്ടാകും. കോടതിയെ നാളെ നിലപാട് അറിയിക്കും.
തിരുവിതാംകൂര് ദേവസ്വം ബോര്ഡും ശബരിമലയിലെ ആചാരസംരക്ഷണത്തെ അനുകൂലിച്ച് സുപ്രീംകോടതിയില് നിലപാട് അറിയിക്കാന് തീരുമാനിച്ചിരുന്നു. ശബരിമലയുമായി ബന്ധപ്പെട്ട വിഷയങ്ങൾ തിരഞ്ഞെടുപ്പിൽ പാർട്ടിയെ ദോഷകരമായി ബാധിച്ചേക്കാം എന്ന വിലയിരുത്തിലിൽ നിന്നാണ് ശബരിമലയിൽ യുവതികൾക്ക് പ്രവേശനം അനുവദിക്കണം എന്ന മുൻനിലപാട് മാറ്റാൻ സർക്കാരിനെ പ്രേരിപ്പിച്ചത്.
